പുണ്യാളന്‍

പാവം തോന്നുന്നു പുണ്യാളനോട്‌, പക്ഷേ,

ഒച്ചത്തില്‍ പറയില്ല ഞാനതു നിശ്ചയം

ഒച്ചയില്‍ പറഞ്ഞാല്‍ ക്രൂശിക്കും ബഹുജനം,

താഴ്ത്തി പറഞ്ഞാല് വാഴ്ത്തും മഹാജനം

പഞ്ചപാവമായ് എങ്ങനീ/എന്തിനീ ഭൂമിയില്‍

ജീവിച്ചീടുന്നു, ജനിച്ചീടുന്നു

പഞ്ചപാവമായ് ജീവിച്ചീടല്ലേ,

പഞ്ചപാപമായ് ജീവിച്ചാലും

* * *

ഭൂമിയൊരു പോര്‍ക്കളം, ലോകമൊരു നാടകം,

അങ്കത്തട്ടിലേറണം, പോരാടണം

അടരാടുവാന്‍ വേണമുഗ്രനൊരായുധം,

അത് അറിവുതാന്‍, അതു നിശ്ചയം

നന്മ, കാണാനും അറിയാനും ചെയ്യുവാനും,

കഴിഞ്ഞീടുന്നതോ സര്‍വ്വജ്ഞ്യാനം!

പുണ്യാളാ നിന്‍ജ്ഞ്യാനം പകുതിമാത്രം,

ഇരുളും വെളിച്ചവും ചേര്‍ന്നാലേ, പൂര്‍ണ്ണമാകൂ

* * *

നന്മയും തിന്മയും അറിയുവാനും,

നന്മയിലെ തിന്മ ഒളിഞ്ഞുകാണാനും,

തിന്മയിലെ നന്മ നുകരാനും, നിനക്ക്,

വേണമൊരു ഗുരു, ട്യൂഷന്‍ തരാന്‍,

ഇല്ലെങ്കില്‍ പൊതുജനമെത്ര വാഴ്ത്തിയാലും,

പലവിധം മഹാജനം പരിഹസിക്കും,

ഗോപ്യമായും, കള്ളടിച്ചും

* * *

ഏതുവശത്തൂന്നു പോരടിച്ചാലും,

ഇരുവശത്തൂന്നും കൈയ്യടിക്കും,

പതിനെട്ടും പയറ്റിയ പോരാളിയെ

വശമല്ല, നീയാണ് സര്‍വ്വപ്രധാനം,

ഇല്ലെങ്കില്‍ നീ വെറും പൂഴിമാത്രം,

ആരാന്‍റെ അരങ്ങിലെ കളിപ്പാവപോല്‍

* * *

ബാധിച്ചീടില്ല പരിഹാസമെന്നേ,

സന്തുഷ്ടന്‍ ഞാന്‍, കളിപ്പാവയായാലും

ചോല്ലുമിങ്ങനെ നീ, എനിക്കറിവൂ

എന്തുനേടിയെന്നു ചിന്തിക്കയിന്നു നീ,

നേടിയില്ലേ കുരുക്കളും സ്വര്‍ഗഭാഗ്യം,

യുധിഷ്ഠിരവിലാപവും ഓര്‍മ്മിക്ക നീ

* * *

ഒരുകാല ധര്‍മ്മം, പിന്നീടധര്‍മ്മം,

ഒരിടത്തു ശരിയും, ഒരിടത്തു തെറ്റും,

എന്താണ് ധര്‍മ്മമെന്താണധര്‍മ്മം!

മാറിടുന്നു, ലോക ധര്‍മ്മാധര്‍മം

മാറേണ്ടു നീയുമെന്‍ പുണ്യാളാ, ലേറ്റസ്റ്റു

നന്മയും തിന്മയും അറിയുവാനായ്.